विशेष बातम्या

सातवेत पालखी सोहळा

By nisha patil - 12/2/2025 4:24:12 PM
Share This News:

सातवेत पालखी सोहळा

सातवे प्रतिनिधी: सातवे तालुका पन्हाळा येथील आळोबाच्या नावाने चांगभलं.. च्या जयघोषात आळोबानाथ वर्धापन दिन मोठ्या उत्साहाने झाला. संत ज्ञानेश्वर माऊली,आळोबानाथ पालखी, संत सेवागिरी महाराजांच्या पालखी सोहळ्यास सुरुवात झाली. यामध्ये घोडे, रथ, उंट यांचा समावेश होता. आटपाडी (जि. सांगली) येथून १०० जणांचे पारंपरिक पथक आले होते.

सेवागिरी महाराज पथकाचे जाधव महाराज प्रमुख होते. प्रमुख मार्गावरून पाच ते सहा तास दिंडी सोहळ्यांची मिरवणूक सुरू होती. दिंडी सोहळ्यामध्ये केंद्रीय प्राथमिक जिल्हा परिषद शाळेच्या विद्यार्थी व शिशू विहार शाळेचे पथक, कुंभोज येथील लेझीम पथक, श्री आळोबानाथ भजनी मंडळ व बालभारती वाद्यवृंद , श्रीराम वारकरी शिक्षण संस्था आरेवाडी कराड मुली, महिला मंडळ पथके सहभागी झाले होते.  पुंडलिक देवकर महाराज यांच्या काला कीर्तनाने सांगता झाली. त्यावेळी यशस्वी फाऊंडेशनचे अध्यक्ष विनिता जयंत पाटील, गोकुळचे संचालक अमरसिंह पाटील ,डॉ. आमदार विनय कोरे, स्वाभिमानी शेतकरी संघटनेचे नेते माजी खासदार राजू शेट्टी आदींनी भेट देऊन दर्शन घेतले.