बातम्या

अवैध गर्भपात प्रकरणी राज्याचे आरोग्य मंत्री ' ॲक्शन मोडवर '

By nisha patil - 1/22/2025 5:17:52 PM
Share This News:

अवैध गर्भपात प्रकरणी राज्याचे आरोग्य मंत्री ' ॲक्शन मोडवर '

राज्य सरकारने अवैध गर्भपात रोखण्यासाठी कठोर कारवाई करण्याचा निर्धार केला आहे. आरोग्य मंत्री यांचा 'ॲक्शन मोड' असून, महिलांना माहिती देणाऱ्यांचे मानधन वाढविण्याचा निर्णय घेतला आहे.

मुंबईत आयोजित बैठकीत, पीसीपीएनडीटी कायद्याच्या अंमलबजावणीसाठी पोलिसांच्या समन्वयाने प्रभावी कारवाई सुरू करण्याच्या सूचनाही देण्यात आल्या. अवैध गर्भपात प्रकरणांची दखल घेऊन त्यात अधिक पुराव्याचा वापर करून आरोपींना कठोर शिक्षा देण्यावर भर देण्यात येईल.

अवैध गर्भपात रोखण्यासाठी संबंधित समित्यांना अधिक सक्षम करण्याच्या दृष्टीने सामाजिक कार्यकर्त्यांचा सहभाग वाढविण्यात येईल. याशिवाय, ऑनलाईन गर्भपात गोळ्यांच्या विक्रीवर कडक लक्ष ठेवून कारवाई करण्यात येईल.

बैठकीस संबंधित अधिकारी व पोलिस अधीक्षक उपस्थित होते.