बातम्या

शक्तीपीठ महामार्गावरून संघर्ष तीव्र – बाधित शेतकऱ्यांची 20 फेब्रुवारीला राज्यव्यापी बैठक

By nisha patil - 2/19/2025 12:57:11 PM
Share This News:

शक्तीपीठ महामार्गावरून संघर्ष तीव्र – बाधित शेतकऱ्यांची 20 फेब्रुवारीला राज्यव्यापी बैठक

कोल्हापूर: महायुती सरकारने शेतकऱ्यांच्या तीव्र विरोधाला न जुमानता शक्तीपीठ महामार्ग रेटण्याचा निर्णय घेतल्याने शेतकऱ्यांमध्ये संतापाची लाट उसळली आहे. या महामार्गामुळे हजारो शेतकरी विस्थापित होणार असून, शेती आणि पर्यावरणावर गंभीर परिणाम होणार असल्याचा आरोप शेतकऱ्यांनी केला आहे.

या अन्यायकारी प्रकल्पाच्या विरोधात राज्यातील 12 जिल्ह्यांतील बाधित शेतकऱ्यांची राज्यव्यापी बैठक 20 फेब्रुवारी 2025 रोजी कोल्हापुरातील राजर्षी शाहू स्मारक भवन, दसरा चौक येथे होणार आहे. या बैठकीत पुढील आंदोलनाची दिशा ठरवण्यात येणार आहे.

शेतकऱ्यांचा आरोप – सरकार बांधकाम माफियांच्या दबावाखाली
 

शक्तीपीठ महामार्गासाठी पर्यायी मार्ग उपलब्ध असतानाही सरकार नव्या महामार्गावर जोर देत असल्याचा आरोप आंदोलक शेतकऱ्यांनी केला आहे. “आमची हजारो एकर शेती, पिके आणि घरे उद्ध्वस्त होणार आहेत. आमच्या जमिनी न्याय न मिळताच काढून घेतल्या जात आहेत,” असे एका बाधित शेतकऱ्याने सांगितले.

संघर्ष अधिक तीव्र करण्याचा निर्धार
 

या बैठकीत महामार्ग रद्द करण्यासाठी तीव्र आंदोलन छेडण्याचा निर्णय होण्याची शक्यता आहे. सरकारने शेतकऱ्यांचे म्हणणे ऐकले नाही, तर लवकरच राज्यव्यापी आंदोलन छेडले जाईल, असा इशारा शक्तीपीठ महामार्ग विरोधी संघर्ष समितीने दिला आहे.

शेतकऱ्यांच्या अस्तित्वाच्या लढ्यासाठी सर्व बाधित शेतकऱ्यांनी मोठ्या संख्येने या बैठकीला हजर राहावे, असे आवाहन करण्यात आले आहे.