राजकीय

कोल्हापूर उत्तरमध्ये पुष्कराज क्षीरसागर यांच्या तरुणांशी संवादाच्या भेटींना उत्स्फूर्त प्रतिसाद...

By nisha patil - 10/11/2024 6:22:22 PM
Share This News:

कोल्हापूर उत्तरमध्ये पुष्कराज क्षीरसागर यांच्या तरुणांशी संवादाच्या भेटींना उत्स्फूर्त प्रतिसाद...

 कोल्हापूर उत्तर मतदारसंघातून महायुतीच्या उमेदवार राजेश क्षीरसागर यांच्या निवडणूक प्रचाराला आता जोर चढला आहे. त्यांच्या चिरंजीव पुष्कराज क्षीरसागर यांनी प्रचार मोहिमेत सक्रिय सहभाग घेतला असून, त्यांनी अनेक तरुण मंडळांना भेटून त्यांच्याशी थेट संवाद साधण्यास सुरुवात केली आहे.

तरुणांमध्ये विशेष लोकप्रिय असलेल्या पुष्कराज यांनी विविध महाविद्यालयीन विद्यार्थ्यांशी संवाद साधला, त्यांच्या समस्या जाणून घेतल्या आणि निवडणूक प्रक्रियेबाबत त्यांना जागरूक केले. या भेटींमुळे तरुणांमध्ये उत्साहाचे वातावरण तयार झाले आहे, आणि स्थानिक पातळीवर त्यांना उत्स्फूर्त प्रतिसाद मिळत आहे.

पुष्कराज क्षीरसागर यांच्या या सक्रिय प्रचार मोहिमेमुळे, तरुणांमध्ये राजेश क्षीरसागर यांच्याविषयी सकारात्मक लाट निर्माण होत आहे. स्थानिक नागरिकांनी त्यांच्या या प्रयत्नांचे कौतुक केले असून, मतदारसंघातील तरुणवर्गाची एकजूट राजेश क्षीरसागर यांच्या विजयासाठी महत्त्वाची ठरणार आहे.