बातम्या

मुख्यमंत्री सौर कृषी वाहिनी योजना शेतकऱ्यांच्या हिताची – जिल्हाधिकारी अमोल येडगे

By nisha patil - 12/3/2025 5:58:35 PM
Share This News:

मुख्यमंत्री सौर कृषी वाहिनी योजना शेतकऱ्यांच्या हिताची – जिल्हाधिकारी अमोल येडगे

कोल्हापूर, दि. १२ मार्च २०२५: कोल्हापूर जिल्ह्यातील हरळी बुद्रुक (ता. गडहिंग्लज) येथे ३ मेगावॅट क्षमतेच्या सौर ऊर्जा प्रकल्पाचे उद्घाटन करण्यात आले. या प्रकल्पामुळे ११०१ शेतकऱ्यांना दिवसा वीज उपलब्ध झाली आहे.

जिल्हाधिकारी अमोल येडगे यांनी यावेळी सांगितले की, ‘मुख्यमंत्री सौर कृषी वाहिनी योजना २.०’ शेतकऱ्यांसाठी अत्यंत लाभदायक असून यामुळे शेतीसाठी दिवसा वीज मिळणे शक्य होणार आहे.

या कार्यक्रमाला प्रांताधिकारी एकनाथ काळबांडे, महावितरणचे विजय आडके, तहसीलदार ऋषिकेत शेळके, तसेच शेतकरी व स्थानिक अधिकारी मोठ्या संख्येने उपस्थित होते.

कोल्हापूर जिल्ह्यात आतापर्यंत पाच सौर ऊर्जा प्रकल्प कार्यान्वित झाले असून ६३५० शेतकऱ्यांना त्याचा लाभ मिळत आहे. भविष्यात ५३ नवीन सौर ऊर्जा प्रकल्प प्रस्तावित आहेत, ज्यामुळे अधिक शेतकऱ्यांना दिवसा वीज उपलब्ध होईल आणि स्थानिक रोजगार संधींना चालना मिळेल.