बातम्या

जिल्ह्यात "मिलेट बोर्ड" स्थापन करण्यासाठी प्रयत्न – पालकमंत्री प्रकाश आबिटकर

By nisha patil - 3/28/2025 9:31:08 PM
Share This News:

जिल्ह्यात "मिलेट बोर्ड" स्थापन करण्यासाठी प्रयत्न – पालकमंत्री प्रकाश आबिटकर

कोल्हापूर, दि. २८ : जिल्ह्यात तृणधान्य उत्पादनाला चालना देण्यासाठी "मिलेट बोर्ड" स्थापन करण्यासाठी प्रयत्न करण्यात येतील, अशी ग्वाही पालकमंत्री प्रकाश आबिटकर यांनी दिली.

राधानगरी तालुक्यात नरतवडे येथे पार पडलेल्या मिलेट महोत्सवाच्या उद्घाटनप्रसंगी त्यांनी हे वक्तव्य केले. यावेळी त्यांनी शेती उत्पादन वाढ, आधुनिक तंत्रज्ञानाचा वापर, आणि तृणधान्य प्रोत्साहन यावर भर देण्याची गरज व्यक्त केली.

महत्त्वाचे मुद्दे :

• राज्यात दिशादर्शक ठरेल असा भव्य कृषी महोत्सव आयोजित करावा.

• शेतकऱ्यांनी ड्रोन फवारणीसारख्या आधुनिक तंत्रज्ञानाचा वापर करावा.

• जिल्ह्यात हेक्टरी १२५ टन ऊस उत्पादनासाठी कृषी विभागाने मार्गदर्शन करावे.

• तृणधान्य उत्पादन वाढीसाठी शेतकऱ्यांना अधिक सहकार्य दिले जाईल.

महोत्सवात पाककला स्पर्धा, मिलेट रॅली, आणि ड्रोन फवारणी प्रात्यक्षिके आयोजित करण्यात आली. पालकमंत्र्यांनी तृणधान्यांपासून तयार पदार्थांची चव घेत त्यांच्या महत्त्वावर भर दिला.

शेतकरी व नागरिकांनी मिलेट उत्पादन आणि वापर वाढवावा, असे आवाहनही त्यांनी केले.