बातम्या

श्रावणी सोमवार व्रत जाणून घ्या कोणत्या दिवशी कोणती शिवमूठ?

By nisha patil - 5/8/2024 7:24:42 AM
Share This News:

श्रावणी सोमवारी शंकराच्या आराधनेसाठी त्याला बेल, दूध अर्पण केले जाते. त्यानंतर शिवमूठ देखील दिली जाते. प्रत्येक सोमवारी एक वेगळी शिवमूठ असते. मग यंदा पहा कोणत्या सोमवारी कोणती शिवमूठ असणार आहे?

श्रावणी सोमवार 2024 तारखा आणि शिवमूठ

पहिला श्रावणी सोमवार - 5 ऑगस्ट 2024 - तांदूळ शिवमूठ

दुसरा श्रावणी सोमवार - 12 ऑगस्ट 2024 - तीळ शिवमूठ

तिसरा श्रावणी सोमवार - 19 ऑगस्ट 2024 - मूग शिवमूठ

चौथा श्रावणी सोमवार - 26 ऑगस्ट 2024 - जव शिवमूठ

पाचवा श्रावणी सोमवार - 2 सप्टेंबर 2024 - सातू शिवमूठ

चातुर्मासामध्ये श्रावण हा सर्वात पवित्र महिना आहे. अनेक शिवभक्त श्रावणी सोमवारी उपवास करतात. एक वेळेस जेवण करून संध्याकाळी व्रत सोडण्याची रीत आहे. समुद्रमंथन झाल्यानंतर त्यामधून बाहेर पडलेले हलाहल विष शंकराने प्राशन करून मनुष्यांवरील धोका टाळला. त्यामुळे भगवान शंकराचे मनुष्य वर्गावर असलेले हे ऋण फेडण्यासाठी श्रावणी सोमवारी विशेष पूजा करून त्याच्याप्रती आदर व्यक्त केला जातो. अशी हिंदू धर्मियांची धारणा आहे.