बातम्या

कोल्हापुरात २७ फेब्रुवारी रोजी मराठी भाषा गौरव दिनाचे आयोजन

By nisha patil - 2/25/2025 8:45:21 PM
Share This News:

कोल्हापुरात २७ फेब्रुवारी रोजी मराठी भाषा गौरव दिनाचे आयोजन

कोल्हापूर, : ज्येष्ठ कवी वि. वा. शिरवाडकर (कुसुमाग्रज) यांच्या जयंतीनिमित्त मराठी भाषा गौरव दिन २७ फेब्रुवारी २०२५ रोजी साजरा करण्यात येणार आहे. हा कार्यक्रम आचार्य विद्यानंद संस्कृती भवन, महावीर महाविद्यालय, कसबा बावडा रोड, कोल्हापूर येथे होणार असून, साहित्यप्रेमी, विद्यार्थी, शिक्षक व नागरिकांनी मोठ्या संख्येने उपस्थित राहावे, असे आवाहन संयोजन समितीने केले आहे.

कार्यक्रमाचे वैशिष्ट्ये:

• सकाळी ९.३० वाजता: कथाकथन, कथालेखन, वक्तृत्व, निबंध लेखन, अभिवाचन स्पर्धा
• दुपारी ३.३० वाजता: साहित्य अकादमी पुरस्कार विजेते कृष्णात खोत यांचे व्याख्यान
• विविध स्पर्धांतील यशस्वी विद्यार्थ्यांचा पारितोषिक वितरण समारंभ

मान्यवरांची उपस्थिती:

कार्यक्रमाला जिल्हाधिकारी अमोल येडगे, जिल्हा मराठी भाषा समिती सचिव मोहन गरगटे, शिक्षणाधिकारी अपर्णा वाईकर, जिल्हा ग्रंथालय अधिकारी बसवराज वस्त्रद, तसेच इतर मान्यवर उपस्थित राहणार आहेत.

मराठी भाषा गौरव दिन उत्साहात साजरा करण्यासाठी सर्वांनी सहभागी व्हावे, असे आवाहन संयोजन समितीने केले आहे.